މަޒުމޫނު

2015 ވަނަ އަހަރު ތަންފީޒުކުރަން ފެށި ޤައުމީ އައު މަންހަޖާމެދު ކުރެވޭ އުއްމީދު...

އިސްމާޢިލް ޝިޔާޒް، ވިދުވަރު/ ހއ.އިހަވަންދޫ  ސްކޫލް

"ނޭނގުމަށްވުރެ ވަކިން ދެރަކަމެއް ހަމަ ނެތޭ... އޭގެ ގެއްލުމުގެ ހައްދެއް ހިސާބެއް ހަމަ ނެތޭ..." މިއީ އަޅުގަނޑުމެން ޅައިރުއްސުރެ އަޑުއަހައި އުޅުނު ޢިބުރަތްތެރި ލަވައެކެވެ. މިލަވައިގެ ތެރެއަށް ފުންކޮށް ފީނާލައިފިނަމަ އުނގެނުމުގެ މުހިއްމުކަން އެނގޭނެއެވެ. ގަދައަޅައި މަސައްކަތްކޮށް ތަޢުލީމު އުނގެނެން ޖެހޭނެކަން މޭރުންވާނެއެވެ. 1978 ވަނަ އަހަރުން ފެށިގެން 1984 ވަނަ އަހަރާ ހަމައަށް، ރާއްޖޭގެ ދެތިން މަދަރުސާ ފިޔަވައި ދެންހުރި މަދަރުސާތަކުގައި ކިޔަވައި ދެމުން ދިޔައީ އަމިއްލަ މުޤައްރަރު ތަކަށެވެ. އެދުވަހަކު ހުންނަވާ މުދައްރިސަކު ބޭނުން އެއްޗެއް ނުވަތަ އެނގޭ އެއްޗެއް ކުދިންނަށް ކިޔައިދެއެވެ. ނަމަވެސް 1980 ވަނަ އަހަރު ފަށާތަޢުލީމުގެ މުޤައްރަރުގެ ޑުރާފްޓް ތައްޔާރުކޮށް، 1984 ވަނަ އަހަރު ފުރަތަމަ ފަހަރަށް މިރާއްޖޭގައި ތަޢުލީމީ މަންހަޖެއް ތަންފީޒުކުރަން ފެށިއެވެ. ނަތީޖާއެއްގެ ގޮތުން ރާއްޖޭގެ ތަޢުލީމީ ދަންމަރުގެ ހުޅުކޮޅުގެ އަލި ގަދަވެ ދުރަށް އަލިވާން ފެއްޓިއެވެ. އަދި އެއަލިކަމުގައި 31 އަހަރު ހޭދަކުރިއެވެ. ނަމަވެސް ބަވަނަމުން މިދާ ދުނިޔޭގެ ހަތަރު ބިތަށް އަލިފޯރުވޭވަރު ނުވުމުން، މިހިނގާ 2015 ވަނަ އަހަރު ޤައުމީ އައު މަންހަޖެއް ތަންފީޒުކުރަން ފެށިއެވެ. އިތުރު ހެޔޮ ބަދަލުތަކާއި އިޞްލާހުތަކާ އެކުއެވެ. އެތައް ފޮނި ހިތްގައިމު އުއްމީދުތަކަކާ އެކުއެވެ.

މަޒުމޫނު

ސިޔާސީ ހަލަބޮލިކަމުގެ ސަބަބުން ކިޔަވާކުދިންނަށް ކުރާ ނޭދެވޭ އަސަރު


ޙަސަން ސަމީޙް، ފުނަމާގެ، ހއ. އިހަވަންދޫ، އިހަވަންދޫ ސްކޫލް، 12 ބީ (2014)

ކުލަކުލައިގެ ވާދަވެރިކަމަކީ މީގެކުރިން ދުނިޔެ ތަޖުރިބާކޮށްފައިވާ ކަމެއް ނޫނެވެ. އެއްވެސް ޤައުމެއްގެ ތާރީޚްގައި އައިސްފައިވާ ވާހަކަތަކެއްވެސް ނުމެނޫނެވެ. އެކަމަކާ މެދު ކާބަފައިން ޚިޔާލަށް، ފިކުރަށް ގެނެސްފައިވެސްނުވާ އަލަތު ވާދަވެރިކަމެކެވެ. ނަސްލީ ތަފާތުކުރުންތަކާއި ޖާހާއި ޤަދަރުގެ މޮޅުދެރަ ޘަޤާފަތުންނާއި ޢަޤީދާގެ ފުށުއެރުންތަކުން ދުނިޔޭގެ ތާރީޚްގައި ހިނގާފައިވާ ހިތާމަވެރި ހާދިސާތައް ހަނދާންނައްތާލީކީ ނޫނެވެ. މިނިވަންކަމާއި ތަހްޒީބީ ހޭލުންތެރިކަމަށް ދަޢުވާކުރަމުންދާ ދީމުޤްރާތީ ވެށިތަކުން މިމަންޒަރު އެބީދައިން ތަކުރާރުވާތީ އާޅާކިޔެން ނެތީއެވެ. ފެނި ތަޖުރިބާކުރަމުން މިދަނީ އެއަށްވުރެވަކި ބުރަދަނުގެ ގޮތުން ލުއި ފިކުރީ ތަފާތުކުރުމެއް ނޫނެވެ. މިދައްކަނީ ބޭރުފުށުން އާދައިގެވީނަމަވެސް ބޮޑުމަންޒަރުގައި އިންތިހާއަށް ހިތްދަތިކަމާއި ކަރުނައިން ފުރިގެންވީ އެތައްކަމެއް ޝާމިލްވާ ވޭނީތަފާތުކުރުމެއްގެ ވާހަކައެވެ. އެންމެންވެސް ދަންނަ [ޒަމާނީ ސިޔާސީ] ހަރަކާތުން އުފަންވެފައިވާ ކުލަކުލައިގެ ތަފާތުކުރުމެވެ.

ފެންވަރުބެލުން 1 (ވާހަކަދެއްކުން)

ފެންވަރުބެލުން 1 (ވާހަކަދެއްކުން)

ވާހަކަދެއްކުން ކުރިއަށް ދާނީ 2016 ޖުލައި 31 ން ފެށިގެންނެވެ. ވާހަކަދެއްކުމަށް އިންސާފުކުރާނީ:

ހ) ބަސްމަގަށް (ގުޅޭ ބަހުރުވައެއް ބޭނުންކުރުން، މައުޟޫޢަށް ބޭނުންތެރި ބަސްކޮށާރެއް އިޚްތިޔާރުކުރުން)                                         5 މާކުސް

ށ) ވާހަކަދެއްކުންތެރިކަމަށް                                                10  މާކުސް

ނ) އޮއްޓަރު (މައުޟޫޢާ ގުޅޭ ހަރުދަނާ މައުލޫމާތު ހުށަހެޅުން) 10 މާކުސް

ވާހަކަ ދެއްކުމަށް ލިބޭނީ 3 މިނެޓާއި 5 މިނެޓާ ދެމެވެ.

semister 3

ދިވެހިބަސް

ގްރޭޑް 12

ދަރިވަރުން ފުރިހަމަ ކުރަންޖެހޭ ޕްރޮޖެކްޓް މަސައްކަތްތަކުގެ ޚުލާޞާ

މި ސެމިސްޓަރ ނިމުމުގެ ކުރިން ދަރިވަރުންގެ ފެންވަރު ވަޒަންކުރުމަށްޓަކައި މައިގަނޑު ދެ އުޞޫލެއް ބޭނުންކުރެވޭނެއެވެ. އެއީ ފެންވަރުބެލުމުގެ އިމްތިހާނުންނާއި ޕްރޮޖެކްޓް މަސައްކަތްތަކުގެ އެހީގައެވެ. މި ސެމިސްޓަރ ތެރޭގައި ފެންވަރުބެލުމުގެ 3 ޓެސްޓް ނެގޭނެއެވެ. އެއީ، މިޑްޓާމުގެ ކުރިން ނެގޭ ދެ ޓެސްޓާއި މިޑް ޓާމުގެ ފަހުން ނެގޭ ޓެސްޓެކެވެ. މީގެއިތުރުން، މައިގަނޑު 3 ޕްރޮޖެކްޓް މަސައްކަތް ފުރިހަމަ ކުރަން ޖެހޭނެއެވެ. ތަފުސީލުތައް ތިރީގައި އެވަނީއެވެ.

ނަމޫނާ ރިޕޯޓް

ފ. ފަނިފަކުސަފުށްޓަށް ކުރިމަތިވެފައިވާ މަސްތުވާތަކެތީގެ މައްސަލައަށް ޙައްލެއްހޯދުން

ތަޢާރަފް :

      މިއަދު ރާއްޖެއަށް ކުރިމަތިވެފައިވާ އެންމެ ބޮޑު އެއް މައްސަލައަކީ މަސްތުވާތަކެތީގެ މައްސަލައެވެ. މިގޮތުން ފ. ފަނިފަކުސަފުށްޓަކީވެސް މި މައްސަލައާ ކުރިމަތިލާންޖެހިފައިވާ ރަށެކެވެ. މިއީ ނާކޮޓިކްސް ކަންޓްރޯލް ބޯޑުގެ ފަރާތުން މި މައްސަލަ ރަނގަޅަށް ދިރާސާކުރުމަށްފަހު އޭގެ ޙައްލެއް ހޯދުމުގެ ގޮތުން ލިޔާ ރިޕޯޓެކެވެ. މި ރިޕޯޓު ބިނާވެފައިވަނީ ރަށުގެ ޙާލަތާއި، ރައްޔިތުންގެ ޞިއްޙަތާއި، މަސްވެރިކަމަށް ކުރާއަސަރާއި، ފަތުރުވެރިކަމަށް ކުރާއަސަރާއި، އިޖުތިމާޢީގޮތުން ކުރާއަސަރާއި މިކަން ޙައްލުކުރުމަށް އެޅިދާނެ ފިޔަވަޅުތަކުގެ މައްޗަށެވެ.

ރިޕޯޓް ލިޔުން

ރިޕޯޓަކީ ކަމެއް ހިނގައިފައިވާ ގޮތް ނުވަތަ ކަމެއް ހިނގަމުންދާގޮތް ނުވަތަ ކަމެއް އޮތް ޙާލަތު ބަޔާންކޮށް ލިޔާ ލިޔުމެކެވެ. މީގެ އިތުރުން ތަނަކާ، އެއްޗަކާ، ނުވަތަ މީހަކާ ބެހޭގޮތުންވެސް ރިޕޯޓް ލިޔެވިދާނެއެވެ. ރިޕޯޓުގައި މައިގަނޑު ދެބާވަތެއް ހިމެނެއެވެ. އެއީ ސާދާ ރިޕޯޓާއި ތަފްޞީލް ރިޕޯޓެވެ. މި ދެބާވަތުގެ ރިޕޯޓް ތަފާތުވުން ބިނާވަނީ ރިޕޯޓުގައި ހިމަނާ މަޢުލޫމާތުގެ މިންވަރާއި ތަފްޞީލުގެ މައްޗަށެވެ. ހަމަ އެހެންމެ މި ދެބާވަތުގެ ރިޕޯޓުގެ އޮނިގަނޑު ނުވަތަ ބައްޓަންވެސް ތަފާތެވެ.

ޕެރެގުރާފުގެ އުންސުރުތައް

ޕެރެގުރާފުގެ އުންސުރުތައް

      ޕެރެގުރާފެއް ބިނާވެގެންވަނީ މައިގަނޑު އެއް ޚިޔާލެއްގެ މައްޗަށް އަމުނާލެވިގެން ގަތާލެވިފައިވާ ޖުމުލަތަކަކުންނެވެ. ޕެރެގުރާފެއްގައި ނަމަ އެއް ޖުމުލައަށްވުރެ ގިނަ ޖުމުލަތައް ހިމެނޭނެ އެވެ. މިދެންނެވި ކޮންމެ ޖުމުލައަކީ ވަކިވަކި ވަޒީފާތަކެއް އަދާކުރާ ޖުމުލަތަކެކެވެ. ކޮންމެ ޖުމުލަ އަކަށް ޕެރެގުރާފުން ޚާއްޞަ ވަކި ޖާގައެއް އޮވެ އެވެ. އެހެންކަމުން، ޕެރެގުރާފުގައި ހިމެނޭ ކޮންމެ ޖުމުލައަކީ ވަކިކަހަލަ މަސައްކަތްތަކެއް ފުރިހަމަކުރުމަށް ބޭނުންކުރާ ޖުމުލައަކަށްވުމުން ޕެރެގުރާފުގެ ފެންވަރު އިތުރުވެގެންދާނެ އެވެ. ފުރިހަމަ ޕެރެގުރާފެއްގައި ނަމަ މަދުވެގެން އަސާސީ ތިން ވައްތަރެއްގެ ޖުމުލަ ހުންނާނެ ކަމަށް މަޝްހޫރު އަދީބު އެންޑީ ޖޯންސް (އ.ނ) ހާމަކުރައްވަ އެވެ.