ޕޯޓްފޯލިއޯގައި ހިމަނަން ޖެހޭ ބައިތައް

ތަޢާރަފު

މިއީ، އެޗް އެސް ސީ އިމްތިހާނުގައި އިމްތިހާނު ކުރެވޭ ލިޔުންތެރިކަމުގެ ބާވަތްތަކުން، މި ގްރޭޑްގައި ކިޔަވައިދެވޭ ބާވަތްތައް ހިމަނައިގެން އެބައިތަކުން އުފެއްދުންތައް އުފެއްދުމުގެ ގޮތުން ކުރިއަށް ގެންދެވޭ ޕްރޮޖެކްޓް މަސައްކަތެކެވެ. މި ޕްރޮޖެކްޓުގައި ހިމާނާނެ އެންމެހާ މަސައްކަތްތައް ފުރިހަމަ ކުރާނީ ކުލާހުގެ އިތުރުން ގޭގަ އެވެ. މި ޕޯޓްފޯލިއޯގައި ހުންނަން ޖެހޭނެ ބައިތަކުގެ ތަފްސީލު ތިރީގައި އެވަނީ އެވެ.  މި މަސައްކަތުގެ ސުންގަޑިއަކީ 2013 އޮކްޓޫބަރ 16 ވަނަ ދުވަހެވެ.

ހ. ކުލާސް ޓެސްޓްތައް

ކުލާސް ޓެސްޓުގެ ގޮތުގައި ހިމެނެން ޖެހޭ ބައިތަކަކީ ފެންވަރުބެލުމުގެ ގޮތުން ކުލާހުގައި ކުރިއަށް ގެންދިޔަ ފެންވަރު ބެލުން 1، 2 އަދި 3 ގެ ޖަވާބު ކަރުދާސްތަކެވެ.

ށ. މަޒުމޫނު

މަޒުމޫނުގެ ގޮތުގައި ޕޯޓް ފޯލިއޯގައި މަދުވެގެން 5 މަޒުމޫނެއް ހިމަނަން ޖެހޭނެ އެވެ. މިގޮތުން، މަޒުމޫނު ލިޔާނީ އަންނަވި މައުޟޫޢުތަކުން ކޮންމެވެސް 5 މައުޟޫޢު އަކަށެވެ. ކޮންމެ މަޒުމޫނެއްގެ ދިގުމިނަކީ 50 ފޮޅުވަތާއި 60 ފޮޅުވަތާ ދެމެދެވެ.

މަޒުމޫނު ލިޔަން ޖެހޭ މައުޟޫޢުތައް:

ހ. ދިވެހިބަސް ކިޔަވަން ޝައުޤުވެރިވާނީ ދިވެހިބަސް ކިޔަވައިދޭން ގެންގުޅޭ ވައްޓަފާޅި ބަދަލުކޮށްގެންނެވެ.

ށ. ރަށު ކައުންސިލްގެ ރައީސްކަން ލިބިއްޖެ ނަމަ...

ނ. މަތީ ސާނަވީގައި ދިވެހި ތާރީޚް ވަކި މާއްދާއެއްގެ ގޮތުގައި ކިޔަވައިދޭނަމަ ކުރާނެ ފައިދާ

ރ. ގެވެށި އަނިޔާގެ ސަބަބުން އިޖުތިމާއީ ބަލިތައް އިތުރުވެ އެވެ.  

ބ. ދިވެހި ކަނޑުފަޅުތަކުން ދިވެހިރާއްޖެ ތަރައްޤީކޮށް ކުރިއެރުވޭނެ އެވެ.

ޅ. މުޙައްމަދު އަމީން  - މޫރިތި ދިވެހިބަހުގެ ބާނީ

ކ. ދިވެހި ޒުވާނުންގެ މެދުގައި ކުށްކުރުން އިތުރުވާ ސަބަބުތައް

އ. ޤައުމީ ލީޑަރުންގެ ކިބައިން ފެންނަން ޖެހޭ ރިވެތި ސިފަތައް

ވ. "އަސަރަކާ އަދި ފޮނިކަމެއް އެކި ބަސްބަހުން ހަމަ ފެނުނަކަސް..."

ނ. ރިޕޯޓް

ރިޕޯޓްގެ ގޮތުގައި ޕޯޓް ފޯލިއޯގައި މަދުވެގެން 2 ރިޕޯޓެއް ހިމަނަން ޖެހޭނެ އެވެ. ރިޕޯޓްގެ ދިގުމިނަކީ 50 ފޮޅުވަތާއި 60 ފޮޅުވަތާ ދެމެދެވެ. (ރިޕޯޓް ލިޔުމުގެ ސުވާލު ފަހުން ހަވާލުކުރެވޭނެ އެވެ.)

ރ. އުފެއްދުންތެރި ލިޔުން

ޕޯޓްފޯލިއޯގައި ހިމަނާނީ އަންނަނިވި ދާއިރާތަކުން އަމިއްލައަށް އުފައްދާފައިވާ ކޮންމެވެސް 4 އުފެއްދުމެކެވެ. އެއީ، ކޮންމެ ބާވަތަކުން 1 އުފެއްދުމެވެ. އުފެއްދުންތެރި ލިޔުމުގެ ދިގުމިނަކީ ދިގުމިނަކީ 50 ފޮޅުވަތާއި 60 ފޮޅުވަތާ ދެމެދެވެ.

ސަމާސާ އަދަބު

ސަމާސާއަދަބު ވާންވާނީ ހިނގާފައިވާ ކަމަކަށް ބިނާކޮށް އަމިއްލައަށް ލިޔާ ސަމާސާ އަދަބަކަށެވެ.

ބަޔޮގުރަފީ

ބަޔޮގުރަފީ ލިޔާނީ އަންނަނިވި ޝަޚްޞުންގެ ތެރެއިން ކޮންމެވެސް އެއް ފަރާތެއްގެ ޙަޤީޤީ މައުލޫމާތު ހިމަނައިގެންނެވެ.

·        އަލްފާޟިލް އަބުދުއްސަމީޢު މުޙައްމަދު / އަންނާރުމާގެ، ހއ. އިހަވަންދޫ

·        އަލްފާޟިލް މުޙައްމަދު އަރީބު / ޖަވާހިރުވާދީ، ހއ. އިހަވަންދޫ

·        އަލްފާޟިލް މުޙައްމަދު ނަޝީދު / އާރު، ހއ. އިހަވަންދޫ

·        އަލްފާޟިލް އަބުދުﷲ ހަމީދު / ހަސްތީ، ހއ. އިހަވަންދޫ

·        އަލްފާޟިލާ އާއިޝަތު ޔުމުނާ / ވަފާ، ހއ. އިހަވަންދޫ

·        އެކުއްޖެއްގެ އެންމެ މަޤްބޫލު މުދައްރިސެއްގެ ބަޔޮގުރަފީ

ދަތުރުނާމާ އަދި ޑްރާމާ

* (ދަތުރުނާމާ އަދި ޑްރާމާގެ ސުވާލު ފަހުން ހަވާލުކުރެވޭނެ އެވެ.)

ބ. އަދަބިއްޔާތު

އަދަބިއްޔާތުގެ ތެރޭގައި ހިމެނޭނީ ރީތި ޅެން ފޮތްތަކުގެ ތެރެއިން އެކުއްޖަކު ބޭނުން ކޮންމެވެސް ޅެމެއްގެ 5 ބައިތުގެ ޝަރަޙަ އަދި އިމްތިހާނަށްޓަކައި ކިޔަން ޖެހޭ ކުރުވާހަކަތަކުން ކޮންމެވެސް އެއް ވާހަކައެއްގެ 1 ޞަފްޙާގެ ޚުލާސާ އެވެ.

ޅ. ރިފްލެކްޝަން

މިއީ، ހުރިހާ މަސައްކަތްތަކެއް ނިމުމުން މުޅި ޕޯޓްފޯލިއޯއިން ދަސްވި ބައިތަކާ ގުޅޭގޮތުންނާއި މުޅި ޕޯޓްފޯލިއޯއިން ފާހަގަވާ ކަންކަމާއި މިފަދަ މަސައްކަތަކުން ކުރި ފައިދާގެ މައްޗަށް އަމިއްލައަށް ލިޔާ 1 ޞަފްޙާގެ ބަޔާނެކެވެ.

**** **** ****

= ކާމިޔާބަކީ ހިތްވަރާއެކު ކުރާ ބުރަމަސައްކަތުގެ އަގެވެ. =